كلّ لاعب بفريق الفوتسال هو بطل بحدّ ذاتو. ولأنّو هنّي السبب الرئيسي ورا افتخارنا بنادي بنك بيروت الرياضي، رح نعرّفكن عليهن! السنة الماضية، كان جوني كوتاني هو captain الفريق. واليوم، علي طنيش – الملقّب بالسيسي - هو اللي عم يكمّل المشوار وعم يوجّه اللاعبين لإنتصار جديد.
لاعبينّا هنّي مش بس أبطال فوتسال، هنّي موظّفين ناجحين ببنك بيروت كمان؛ باستثناء دراغان طوميك (صربي) ومحمد طاهري (إيراني) يلّي عم يرافقوا الفريق اللبناني.
لتتعرّفوا عاللاعبين شخصيًّا وتشجّعوهن بالملعب، ناطرينكن بملعب إميل لحود بمار روكز، نهار الأربعاء عالساعة 6! هالمباراة رح تكون بوجه نادي الشويفات، وهي السابعة ببطولة لبنان للفوتسال والأولى بعد عودة لاعبينّا من مشاركتن ببطولة غرب آسيا مع الفريق الوطني. ناطرينكن!