إذا قلنا عنن أبطال، ما منوفيهن حقّن. وإذا قلنا إنّو كبار وصغار آمنوا بمهوهبتن، ما منكون عم نبالغ... ففريق بنك بيروت للفوتسال كان وبعدو عم يحقّق نجاحات كلّنا منفتخر فيها.
كل مباراة ببطولة لبنان للفوتسال 2017 كانت تحدّي نجحوا فيه الشباب ليوصلوا للنهائيّات، يحقّقوا النجاح الأكبر ويحصلوا على الكأس! وهالمباراة النهائيّة ما برهنت بس قوّة الشباب ومهارتهم، بل محبّة جمهورهم وتشجيعهم... اجتمع بالملعب أكتر من 600 شخص، شجّعوا الشباب واحتفلوا بنجاحهم.
ومن أهمّ أسباب نجاح الفريق هو تعاونهم! فبهالدورة، كلّ لاعب منّن – بإستثناء حارس المرمى طبعًا – قدر إنّو يسجّل على القليلة هدف.
ولأنّو موهبتهم عالميّة، تحدّى فريق بنك بيروت لاعبي فوتسال وفوتبول متل فالكاو، باولو مالديني، ريان غيغز، سيان غارنيه، زوران وغيرهم ضمن مباراة استعراضيّة "Magic Futsal" يلّي جمعت هالأبطال العالميّين مع أبطال بنك بيروت.
وكانت هالمباراة مناسبة ما بتنتسى بالنسبة للاعبين والجمهور، فهي عكست المستوى العالميّ يلّي بيتميّز فيه أبطال بنك بيروت وسمحت لمحبّي الفوتسال إنّو يتابعوا لاعبيهم المفضّلين بمواجهة لاعبين عالميّين.
وقدروا الشباب مش بس إنّو يستثمروا هالموهبة بل إنّو ينقلوها لغيرهم كمان: إذ شارك بدورة نقابة المصارف للفوتسال لاعبون هواة من بنك بيروت، ومرّنن الـcaptain السابق لفريق بنك بيروت للفوتسال، جوني كوتاني. وبعد الفوز على بنك عودة بالنهائيّات، حصلوا على الكأس بلا ما يخسروا أيّ مباراة وبرهنوا إنّن بيستاهلوا، عن جدارة، أفضل الألقاب!
اليوم، نجاح جديد انضاف لإنجازات الفريق. فهنّي مثّلوا لبنان ببطولة آسيا 2017 بالفييتام وتفوّقوا على الماليك، الفريق الأوزبكي يلّي وصل للنهائيّات السنة الماضية، بنتيجة 8-3. كما إنّو قدروا يوصلوا للربع نهائيّ ويواجهوا جيتي باساند بطل إيران ، اللي يُعتبر من أقوى الفرق بآسيا ولكن انتهت المباراة بخروج مشرف لبنك بيروت من بطولة آسيا للصالات أمام بطل إيران بنتيجة 2-0.
مع كلّ نجاح، عم تزيد عزيمة الشباب وعم تعلى معنويّاتهم لتقديم الأفضل. ومع كلّ مباراة، عم نتأكّد إنّو رح يكونوا على قد توقّعاتنا ويزيدولنا فخرنا فيهن!